Daily Archives: مايو 7, 2012

يادمعة هزت معها فؤادي – جهاد اليافعي

قياسي

يا دمعَةٍ هزّت معـــاها فوادي
ويا ضيقــَةٍ بالصـّدرِ منها أعاني
يا كــيفِ بتهنـّى بطيب الرقـآدي
وانا عصيتَه ربّي الي هَدآني
جيـتك إلهي يا “رجَآي ومُرآدي
أطلبك عفـوِك دامِ هالعمر فـآني
وانت الذي نـزّلت “بــلّغ عبآدي
إنّي مجيب لعبدِي الي دعــّآني
يا قلبِ طاوعني وخلّي العنــآدي
لانّي يا قــَلبي من ذنوبِي أعــَآني
قـلّي يا قلبي لي متى هالتــمآدي
كلمـَا خطيت أتوب وتعــود ثــآني
عَن الخَطـا نويتَ انا الابتعــَآدي
الذنبِ خوف وطــاعة الله “أمَآني
بزرع ثمــار الخير واجني حصَآدي
[ عالخير ثبـّتني أيـَا من تـَراني ]

شيلة الهوى الغربي – فرج المري

قياسي

دخيلك ياهوى الغربي على قلبـي تهـب بزيـن
تراك محملٍ بشيـاء تهـز القلـب .. وضلوعـه
تـراك محمـل بشيـا خفيـه مستحيـل تبيـن
ولايفطن لها كـون الجريـح مـلاوع اللوعـه
عليك الله وجـاه الله تلـف يسـار ولايميـن
ولاتحيي عروق جروح مـن عاميـن مقطوعـه
تنحرتك وانا اعـرف النتيجـه دمعـه وبيتيـن
ومجموعة هواجيـس تخالـف هـي و مجموعـه
وتنفستك وانا اعرفك على روح الشقي حديـن
لكـن الله ومـرك وجابنـي باقـدام مقلوعـه
وجودي وجد من خلى يقيـده الزمـن للديـن
عفيف ما اظهر الحاجه ولافزعـوا لـه ربوعـه
والاياوجد حالي وجد من خلى يشوف الشيـن
يتيمٍ كلمته لا مـن شكـى ماهـي بمسموعـه
توفى ابيه عاده مابعد هـو ينطـق اسمـه زيـن
وعاش ابلا اخوان وناقـع كمـه مـن دموعـه
على اللي راح بفوادي وانا ادري ليه وادري وين
وروح روحـةٍ مجبوعـةٍ مـاهـي بمتبـوعـه
ملا صدري غلا واقفى وانا ضامي فواد وعيـن
لونه غير وادعني علـي اهـون مـن الروعـه
لونه راح هاجرني علـي اهـون مـن الثنتيـن
مـراح مايبيـه وعبـرةٍ فـي الحلـق مقروعـه
دخيلك ياهوى الغربي ترى ماني مـن الساليـن
ولو بينت لك ضحكه تراها صـدق مصنوعـه
دخيلك كف ولا لف ولا غيـر هـب بزيـن
ترى ماهو يعرفك كون انـا ومـلاوع اللوعـه

العمر يفنـى – فهد مطر

قياسي

العمر يفنـى والحيـاة أحـلام والدنيـا متـاع
يا كمّ نفـسٍ روّحـت مـا حقّقـت مطلوبهـا
يا منخدع في ضحكة الدنيا ترى الضحكة خـداع
لا تأمن الدنيا ولو تضحـك لـك مْـع جنوبهـا
إن ما تغانمت المراجل قبـل ساعـات الـوداع
بَعَد وفاتك ماهي بصوبـك ولا انـت بصوبهـا
والمرجلة ماهيـب سلعـة تنشـرى والاّ تبـاع
كم ناسٍ يقومون ويطيحون مـا فرْحـوا بهـا
اللي مولّع بالضياع يـروح لـدروب الضيـاع
واللـي مولّـع بالمراجـل مـا يغـرّ دروبهـا
والغيب ما يُعلم لكـنّ العقـل سِيـد الإختـراع
ليا اشتغل عقلك عرفت الناس وش ف”قلوبهـا”
وإن كان ما انته مستفيد من الدّماغ الاّ الصّداع
ما غير حـظ الصّيدليّـة مـا تبـور حبوبهـا
لا صرت ما تتعب على ( والنِّعم ) قدر المستطاع
صدّت ولفّت لك ظهَرهـا واعْطَتِـك عرقوبهـا
وليا تملّكْت الكـرم والحكمـة وطـول الـذراع
لا تشغلك نفسـك تـراك اعطيتهـا ماجوبهـا
والواحد اللي لا كريـم ولا حكيـم ولا شجـاع
مفروض يعطي ثوبه الحرمـة ويلبـس ثوبهـا