صديقي – ابو رهف

قياسي


ترى الصدآقه دآيم الدوم مآتروح .
مهمآ تفرقنــآ سنين الهو آيـل.

يبقى صديقي دآخل العقل والروح.
لو نبتعد ولآ تجينآ رسآيل.

أنآ صديقي يبذل المآل والروح.
صديقي يرخص له جميع الحلآيل.

اللي ليآ شآيفن حزين ومجروح.
يآقف معي ويشيل مآكنتِ شآيل.

وإذآ غلطت يقول يآأخوي مسموح.
لآتعتذرصديقي الشك زآيـل.

قلبي لصدآيقي الوفي دووم مفتوح.
والله مآيصكه عنه قول قآيل.

محـبه لله مآفيه مصلوح.
على الوفآء نبقى بكل الوسآيل.

Advertisements

الحجاب – أحمد العجمي

قياسي


إنا سمعنا أختنا شيئاً عجاب
قالوا كلاماً لا يسر عن الحجاب
قالوا خياماً علقت فوق الرقاب
قالوا ظلاماً حالكاً بين الثياب
قالوا التأخر والتخلف في النقاب
قالوا الرشاقة والتطور في غياب
نادوا بتحرير الفتاة وألفوا فيه الكتاب
رسموا طريقاً للتبرج لا يضيعه الشباب
يا أختنا هم ساقطون إلى الحضيض إلى التراب
يا أختنا هم سافلون بغيهم مثل الكلاب
يا أختنا هذا عواء الحاقدين من الذئاب
يا أختنا هذا نباح لا يؤثر في السحاب
يا أختنا صبراً تذوب ببحره كل الصعاب
يا أختنا أنتِ العفيفة والمصونة بالحجاب
يا أختنا فيك العزيمة والنزاهة والثواب
فالنار مثوى الظالمين لهم عقاب
والله يكشف ظلمهم يوم الحساب
والجنة المأوى و يا حسن المآب

الا يا قلب لا تحزن – جاسم المال

قياسي


ألا يا قلب لا تحزن
ترى دنياك ما تسوى

ولا يا عين لا تبكي
كفايه لوعة الذكرى

يكفينا ألم وجروح
وأحزانٍ بها نكوى

نبي ننساك يا الأحزان
ونفرح في أمل بكره

تراه الهم وإن طوّل
يجي له يوم وبه يطوى

ودايم خلّها فبالك
تلقى العسر له يسرى

إذا بتطاوع الدنيا
تراك بنارها تصلى

نصيحه ابتعد عنها
وعن أزماتها الكبرى

صعيبه حالة الدنيا
تبي صبر وتبي تقوى

تراقب ربك المعبود
وفي درب النبي المسرى

إذا تقدر تعيش بخير
وتنسى الحزن والبلوى

في ظل الدين نتعاون
ونقهر دنيةٍ قشرى

ألا يا ربنا عفوك
وغفرانك لك الدعوه

ألا يالله نبي قربك
وجنّاتك لنا مأوى

الشايب – سمير البشيري

قياسي


ومانيب ناسي قصةٍ صـارت وانـا ازورالقبـور
لازلـت افكـر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه
سلّم وجا صوبي يقول : ابنشـدك يللـي تـزور
عن حالة الدنيا وعن وضع الزمان وعـن هلـه
أنا مضى وقتي ومـرّت بـي طويـلات الدهـور
والباقـي بعمـري بعيشـه بينكـم واستكملـه
قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه
أما البشر , , , لا والله الاّ غير من حد الجـذور
صار انتقالٍ مـن يميـن الـى يسـار المنقلـه
استغرب الشايب من اللي قلـت وبليّـا شعـور
حط اليمين اعلى الشمال وخاطـره فيـه اسئلـه
قال : افتني عن حالة الشيبان والشيـخ الوقـور
أهل الخبر والراي والحكمـه وضـرب الأمثلـه
القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكلـه
قلت : البعض منهم على ما قلت في وصفك وقور
قدوه ولكن رايهـم مـا ينفـرض فـي مسألـه
الطاعه العميـا بقـا منهـا مجاملـة الحضـور
اللـي تلاقيهـا مـع اوّل فـرصـةٍ متنصّـلـه
قال : افتني عن حالة الخفـرات ربّـات الخـدور
اللي تصـان بـبيـت عايلهـا و بابـه تقفلـه
شيهانةٍ تشمخ عفاف وتصقـل فـروخ الصقـور
بين الفريق بـبشتهـا الضافـي وتـوبٍ تسبلـه
قلت : العـذارى فـي زمنّـازي اشكال الطيـور
تقليد هرج و عرض ريـشٍ خلفهـا تستخملـه
تلبس عباةٍ ضيّقـت حـول الردايـف والخصـور
فضيحةٍ تكشف جسدها مـن علـوّه لـاسفلـه
وموضة شيالٍ تكشف الوجنات والـوان الشعـور
والمحـرم تبـدّل بـجـوالٍ بيـدهـا تحمـلـه
لا فوّحت صفر الدلال ولا عرفت غـش القـدور
تطبـخ لـهـا خـدّامـةٍ بالعايـلـه متوكـلـه
ومانيب ناسي قصةٍ صـارت وانـا ازورالقبـور
لازلـت افكـر فـي غرابتهـا وبالـي تشغلـه
قال : افتني بحال الشباب الصلب صيّـاد النمـور
الفـارس اللـي ينطـح خصومـه بزنـدٍ يفتلـه
الوافي الشهم الغيور اللي لعرض الجـار سـور
البار عند امّـه وابـوه وعلـم ربعـه يشغلـه
قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيـه عضلـه
قصّـة شعـورٍ صيّرتهـم لا إنـاث ولا ذكـور
والثـوب راح ولا بقـى الاّ عـالـمٍ متبنطـلـه
ناسٍ ( فلنتينو ) وناسٍ تلبـس ( كرستانديـور )
صار التنافـس بينهـم فـي لبسهـم والجنتلـه
من كان يشرب من قرار البير مشروبه ( بيور )
والبل راعيها غدا يشـرب حليـب ( النستلـه )
مامنهم اللي قام دون اعـراض جيرانـه غيـور
من قام قالو , , وشـملقّف حضرته ؟ وشـدخّله
والوالدين حقوقهم ضاعت وعنهـم فـي نفـور
ان غـاب عنهـم لا تذكرهـم ولا جـاه الولـه
بدّا عليهم شلّـةٍ تهـوى الوطـا بيـن الجحـور
لو تعزله عنهم تبـي لـه شـان كنّـك تقتلـه
ما راح يوم يشارك ربوعه بحـزن ولا سـرور
حتى ابن عمّه يعرفه بالوجـه واسمـه يجهلـه
ومانيب ناسي قصةٍ صـارت وانـا ازورالقبـور
لازلـت افكـر فـي غرابتهـا وبالـي تشغلـه

ناظر لي الشايب بعينٍ تجمـع السبـع البحـور
يقول : انا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور
ما يقعد الجمّال به ساعـه ولـو ضـاع جملـه

مؤمن وقابض ع جمرة – العفاسي

قياسي


مؤمن وقابض على جمرة واشوف هذي الماسي يا قو قلبي وصبره
الهم ما هز باسي..الهم ما هز باسي ..الهم ما هز باسي
العمري يا اخوي مرة والفرح ما هو بقياسي كم مرة اتحرى
واشوف عمري يقاسي..واشوف عمري يقاسي..واشوف عمري يقاسي
لكن انا بتجرى مثل الجبال الرواسي شامخ ولا هنت مرة
صابح بخير وماســي..صابح بخير وماســي..صابح بخير وماسي
يا روحي يا مستقرة ما فاد كثر النعاسي لك في صلاتك مسرة
خوفك من الله اساسي..خوفك من الله اساسي..خوفك من الله اساسي
الله يكيفيني شره اللي يبا يشوف ياسي بي عزم لله دره
بي طيب والطيب ساسي..بي طيب والطيب ساسي..بي طيب والطيب ساسي
ليه هو قريبي امره وان هو بضيق اواسي الله خلقني بفطرة
احب اهلي وناســي..احب اهلي وناسي..احب اهلي وناسي
للانسان عند الله قدره لله تخضع حواسي مادام لي روح حرة
ما اخضع لإنسان راسي…ما اخضع لإنسان راسي..ما اخضع لإنسان راسي

عين يالله – محمد مطري

قياسي

عين يالله يالمطلوب عبد رجاك .. يرتجي من سحابك
يرتجي من سحابك .. هاملات المزون .. ربنا سهل المكتوب ..
لامن دعاك
للشدايـــد ونفسه غاليه ماتهــــون
عين يـــالله …
فوق ارضك امر دروب وانظر سماك
واتكالي عليك فيك حسن الظنون
وانت يناصر المغلوب محد سواك على الناس يوم الناس مايرحموا

عين يالله.. وان ظهر رزقي المتعوب يكفي رضاك
وان تحملت طعن الوقت بين الطعون
خلي حالي مع المحجوب ساتر غطك
والرجاءفيك يارب النجاء خير

اشهد اني ببحرك مافقدت الشباك
بس الامواج هاجت والمراكب تخون
ما ابالي بروحي لو لقيت الهلاك
وانت راضي وامرك بين كاف ونون

يا مرحبا ياللي بقلبي مكانه – مشاري العفاسي

قياسي

يـآمرحبآ يالي بقلبي مكانه الي يغيب وداخل القلب موجود

الي تفز عروق قلبي عشانه ما تبعده عني ميادين وحدود

ظناي يالي في خفوقي امانه يارب لا تبعده عن كل منشود

آحس قلبي فز بآقصى مكانه من يوم زفولي الخبر فيه مولود

الظنا زينة العمر في كل حال قالها ربنا في حكيم المثال

انعم الله علينا بفضله وقال حظ كاسب صلاح الذرية كبير

يا مرحبا بالي بقلبي مكانه الي يغيب وداخل القلب موجود

الي تفز عروق قلبي عشانه ما تبعده عني ميادين وحدود

يا قطعة الروح الغلا كيف شانه لا شفت زولك ينتثر دربي ورود

الي حشا ثوبي نثر له حنانه يكبر ويكبر لا غلا خافقي زود

هان له العنا لأجل ارى بستمه كل مابي تعني لأجل راحته

دق قلبي وحبه وسط دقته نور عيني وقدره بهالعين غييير

يا مرحبا بالي بقلبي مكانه الي يغيب وداخل القلب موجود

الي تفز عروق قلبي عشانه ما تبعده عني ميادين وحدود

وصيتك البر وعلى الله الاعانة والعود وحده غير عن حزمة العود

لبى المنادي لا صدح في امانه لا تتبع الا سكة الطيب والجود

يالظنا برك امك وبرك لأبوك معرفة صاحبك وأحترامك لأخوك

امر ربك وهو مالك للملوك ومن زرع بذر خير حصد كل خير

يا مرحبا بالي بقلبي مكانه الي يغيب وداخل القلب موجود

الي تفز عروق قلبي عشانه ما تبعده عني ميادين وحدود